Voss Videogames er ein ski- og snowboardfilmkonkurranse som går av stabelen for tredje året. Slik blir opplegget.
"Team" på maks 5 personar skal filme og redigere ein ski- eller snowboardfilm på 3 dagar. Alt av materiale skal produserast i løpet av dei følgande dagane
(19.-22. mars)
– Onsdag opnar me arrangementet på Torget i Voss Sentrum med ein rail,snø og musikkanlegg me har kjørt inn. Me byr på pølser, saft og eit fabelaktig show for publikum, seiar arrangør Per Fretheim i ein pressemelding.
Torsdag og fredag er utøvarane å finne i konferansesalane på Fleischer. Her vil det meste av redigeringen finne stad. Desse dagane vil det også vere visning av tidlegare filmar under after-skien på hotellet
Laurdag, 22. mars skal alle filmane leverast, og ein fagjury vil gå gjennom filmane for å dømme ein vinnar. – 1900 opnar me dørene for publikum. Me vil då ha visning av alle filmane, og kåring av vinnar. Seinare samme kveld vert det påskefest med konsertar for alle over 20 år, fortsett Fretheim.
