Turbeskrivelse Randers´ Topp

Turen til Randers’ topp er ein av dei mest varierte og flottaste av alle vårskiturar i Sunnmørsalpane. På flotte vårdagar kan det vere eit hundretals skiløparar på toppen i løpet av éin dag. Slike dagar kan det også vere kø for dei som vil klatre den ikoniske tindenåla Bladet, som ligg like ved!

Av: Håvard Myklebust og Stig J. Helset

Sist oppdatert: 1. juni 2022 kl 14.10

Ytstenesdalen til venstre. Foto: Håvard Myklebust

Tilkomst/parkering: Årsneset. Følg hovudvegen mellom Festøya og Standal. Parker ved skredvernet på Årsneset.

1.2.1 Opp frå Årsneset via Ytstenesdalen ➌ Komplekst

Vi rår til at ein tek «omvegen» via den flotte Ytstenesdalen, sjølv om det også går sti direkte opp Inste Årsnesdalen. Frå taket på skredvernet kan ein då først følgje stien eit lite stykke oppover Inste Årsnesdalen, før ein tek inn på ein tverrgåande sti like etter at ein har passert kraftlinja, om lag 60 moh. Følg stien sørover til Ytstenesdalen, som ein følgjer oppover i flott skiterreng til han flatar ut om lag 700 moh. Ta no mot nord (høgre) opp den bratte sida til ryggen som leier over mot Årsnesbreen. Komen opp på toppen av Årsnesbreen, står det att ein kort, men bratt snøflanke opp til Randers’ topp. Frå toppen kan ein køyre ned bakken og skråe over mot Mohns topp. For å klatre opp her bør du ha sikringsutstyr. Til slutt kan ein leggje turen bort til Bladet – ei tindenål som ragar tjue meter over breen, og som er sjølve logoen til Sunnmørsalpane. Klatringa opp er lett (grad 4), men den spisse toppen er luftig og eit ynda fotomotiv!

1.2.2 Ned Årsnesbreen og Inste Årsnesdalen ➌ Komplekst

Den øvste delen av Randers’ topp gjev bratt køyring i opp mot 40 graders helling, men nedover Årsnesbreen blir terrenget slakkare og meir kupert. Ved optimale snøforhold har ein sjanse til å køyre heile 1414 høgdemeter beint ned til fjorden, med fantastisk utsikt til Hjørundfjorden og fjella på austsida under heile nedfarten.

1.2.3 Ned via Giganten og Ytstenesdalen ➌ Komplekst

Det finst også brattare og meir ekstreme nedkøyringar for den erfarne alpinisten. Frå skaret mellom Mohns topp og Bladet går det ei 45-50 grader bratt renne ned mot Ytstenesdalen. På vegen passerer ein den majestetiske fjellpinakkelen Giganten, som ragar 50 meter rett opp frå renna. Akkurat i det ein passerer Giganten, må ein vere ekstra på vakt, for her er nokre bratte fjellknausar som ein kanskje må klatre forbi. Komen ned i Ytstenesdalen, følgjer ein denne vidare nedover før ein tek skråtravers gjennom skogen attende til utgangspunktet på Årsneset (sjå rute 1.2.1).

Vi har samlet turbeskrivelser for toppturer i Sunnmøre og Sunnmørsalpene her.

Allerede abonnent?

Kjøp abonnement og få tilgang til artikkelen.

Alle abonnement gir full tilgang til hele vårt digitale univers. Det inkluderer Fri Flyt,

Terrengsykkel, UTE, Klatring, Landevei og Jeger sine nettsider, app og e-magasin.

1 måned

Digital tilgang til 6 nettsider

Papirutgaver av Fri Flyt

3 måneder

Digital tilgang til 6 nettsider

2 utgaver av Fri Flyt Magasin

12 måneder

50%

rabatt

Digital tilgang til 6 nettsider

8 utgaver av Fri Flyt Magasin

Betal smartere med Klarna.

Abonnementet fornyes automatisk etter bindingstiden. Si opp når du vil, men senest før perioden utløper.

Friflyt.no har daglig dekning av det som skjer i skianlegg og toppturområder, og vi dekker debatter og dilemmaer om alt fra snøskred til klimaendringer. Om sommeren skriver vi om aktiviteter skifolk er opptatt av når det ikke er snø på bakken, som vannsport og sykkel.

På friflyt.no finner du også Fri Flyt sine skitester og mer enn 750 guider til toppturer.

Les mer om våre abonnement.

Har du spørsmål?

Vi svarer raskt på mail.