Skiturer i Austefjordområdet - Austefjordfjella

Turar og fjell i oversiktskart

4. Sunndalsnipa byr på ein nokså lang, men slakk skitur i skredtrygt terreng.

5. Eidskyrkja eller Kyrkjefjellet er ein av dei verkeleg klassiske skiturane i regionen.

6. Lisje Eidskyrkja er mindre vitja enn den store, men byr på alternative og meir krevjande nedkøyringar for den erfarne skiløparen.

7. Snøhornet gir fin skikjøring i relativt skredsikkert terreng.

8. Koppefjellet frå Aldalen gir ein kort, moderat og fin skitur, som du gjerne kan ta tidleg på vinteren, eller som en rask kveldstur om våren.

Austefjordområdet

I dei sørlege delane av Sunnmøre finn ein den harmoniske Austefjorden, og med den nye Kvivsvegen har avstanden blitt kort også til Nordfjordområdet.

I dette området er fjella noko lågare og meir avrunda i forma enn fjella kring Hjørundfjorden. Dette gjer heile området særs veleigna for fine skiturar i moderat terreng.

Dei fleste turane kan gjerast gjennom heile vinteren, då vegsambanda stort sett er heilårsopne her.

Austefjorden er kan hende eitt av dei mest undervurderte toppturområda i Noreg, med eit fabelaktig og harmonisk utsyn frå dei fleste turane.

Lengre ute finn ein mange flotte toppar kring den smale og spektakulære Dalsfjorden.

Dersom ein køyrer gjennom Kvivstunnelen, opnar det seg eit nydeleg utsyn mot dei storslegne grensefjella mot Nordfjord, med Hornindalsrokken som sjølve kongen på haugen.