I nattens skjul

Håkon Raanes står i døråpninga etter ei natt under Kvanndalstind. Snøhole kan vere overraskande behageleg å sove i, det er varmare enn telt og ein vert ikkje forstyrra av vind. På klatretur er det også ein måte å spare vekt på ettersom ein kan legge att teltet. Berre hugs ekstra ullskift og ekstra hanskar, det er tungt arbeid å grave og ein blir fort varm. Her var vi spesielt heldige, etter nokre meter graving traff vi eit holrom under oss inn mot fjellet, den naturlege toromsleilegheita var nesten klar til innflytning og mangla berre ei pipe til å klatre ned gjennom.

Den smale sti

I desember vert det så tidleg mørkt at ein ikkje treng overnatte for å få oppleve vinternatta, den kjem før du anar det. Her er Henning Svoren på fortoppen av Trollvasstind, eit lite besøkt grensefjell mellom Stordal og Romsdal. Siste stykket mot hovud-toppen krev litt klatring, og med lang både innmarsj og utmarsj skifta datoen før vi var nede att.

Ja, vi elsker dette landet

I mai vert det ikkje mørkt, og det er ei eiga kjensle å sove ute i det mjuke lyset. Spesielt med ein nattstille Hjørundfjord rett under.

Grønt besøk

Elly Klepp har oppsøkt nattelivet over Hjørundfjorden, der nordlyset dansar over himmelen med flagrande ballkjole. Tungremstindane byr også på legendarisk utsikt til den seine frukosten dagen etter og god, austvend skikøyring.

Styggen på ryggen

«Kommer ingen vei her i livet. Onkl P, du kommer ikke herfra i live.» Ola Vågsholm kom ned i live, men først etter at véret hadde skifta fullstendig i løpet av natta og underteikna hadde blitt stogga av eit sva under Sentraltind og rappellert på ein DMM nr 5 som vonleg står der enno. Dette var vårt første forsøk på Styggedalsryggen, vi hadde storsekkar på sikkert 20 kilo som vart endå tyngre etter at alt vart gjennomvått, på desse tider var nemleg turutstyret blytungt og det var uaktuelt å i tillegg ha med ei telt på fem kilo. Den einaste fordelen var at vi ikkje hadde råd til dunsoveposar, dersom soveposen først skal vere gjennomvåt er syntet å føretrekkje framfor dun.

LES OGSÅ

Trygge toppturer i Jotunheimen

I høyden er det snø, og Jotunheimen ligger an til å bli et nokså sikkert valg for påskens topptur. Her er tipsene til de fineste, trygge skiturene blant Norges høyeste fjell.

Å fotografere ein leik med døden

Det knyter seg i magen kvar gong eit vågalt prosjekt skal gjennomførast. Er dette dagen alt går gale?

Historien bak lysene i Jotunheimen

En skiløper med hodelykt lyser opp toppflanken på Store Ringstind. Lyden av stålkant mot is fyller lydrommet i Hurrungane fullstendig i den ellers så stille vårnatta.