Austlendingane Mathias Holtz og Kristian Moxnes er artistane på laget, og dei har med seg videofotograf og bergensar Erling Strømmen. Skywalkers har vunne NM dei siste tre åra og representerer dei norske fargane på internasjonale konkurransar.
- Målet er å slå USA og Tyskland, seier Holtz. Då har me sannsynligvis berre dei to franske lagene forran oss, og dei er umulige å slå uansett. Russland og Italia er òg gode. Men me er betre.
- Er ikkje det litt pessimistisk og sei at ein ikkje kan slå franskmennene uansett.
- Jo. Dei kjem sikkert til å gjere ein feil. Og so vinn me heile driten...
- Kor dårlige klarar de å bli på ein dårlig dag då Moxnes?
- Det er 17 lag med, men me klarar ikkje bli dårligare enn 10. Egentlig skal det godt gjerast og verta verre enn 6.-7. Me kom på 5. i world cup i fjor, og 2. i EM, og me er betre i år. Uansett er det kjekt å møte på dei andre laga og sjå korleis flygestilane har utvikla seg i andre verdensdelar sidan sist. Lære dei andre nokre nye moves...., og kanskje plukke opp nokre nye triks sjølve óg.
- Kva skal til for å bli god i freeflying ?
- Tja...Hoppe mykje!, seier Holtz, eller kva seier du Kristian?
- Jo klart. Ein må like å drive med akrobatikk og balanseøvelsar, og sjølvsagt trene mykje, hoppe mykje. Me har vel rundt 7000 hopp totalt. Dei fleste på Voss.
- Kva gjer at de driv med freeflying?
- Å fly kroppen i frittfall. Fly i stor hastigheit med ubegrensa bevegelsesmuligheiter utan å bruke mykje krefter. Det gjev ein ven friheitsfølelse. Litt som med pudderkøyring seier Moxnes.
- Kva skjer om de vinn? Vert de rike og berømte?
- Nei....., då vert me vel invitert på ein del boogiar rundt om i verden. Da vert feita. Men fyrst skal me tilbake til Voss på NM i freefly og swooping, og so er det vel VM i swooping i Østerrike veka etter det om me har råd å reisa, avslutter dei travle og allsidige fallskjermhopparane.
Tekst: Anders Flatlandsmo
