Den nye festivalen skal hete Fjellsportfestivalen og bak initiativet står en stor gjeng med ivrige klatrere og skikjørere. De har sendt oss denne pressemeldingen:
Jentene og gutane bak Fjellsportfestivalen lovar mykje bratt moro i sogndalsfjella frå 20.- til 24. februar 2008.
Med festivalcamp i Sognahallen der deltakarane kan slå opp telt på fotballkunstgraset, ligg teltleiren rett under The Wall, Europas største og beste innandørs klatrevegg. Festivalcamp med klimagaranti.
Bussar skal transportera oss frå campen og opp til snørike Sogndalsdalen, der det vert guida toppturar, isklatring, snøskredkurs, jibbekurs og Big Jump-konkurranse og fjellrenn med over 800 fallmeter. Det vert også sett opp bussruter med spesialrabatt frå og til dei største norske byane. Me skal også laga mykje moro for barnefamiliar og har sikra oss eit eige festivalhotell med hyggjelege festivalprisar for dei som ikkje vil liggja i telt.
Me veit at jentene er minst like interessert i bratt moro som gutane. Jentesjefane våre, Kristina Klokkehaug og Åse Tveite Bystøl, har bestemt at Fjellsportfestivalen skal ha eksklusive jenteturar, isklatrekurs for jenter, jentebuldring og storhoppkurs for jenter, i tillegg til det ordinære programmet som sjølvsagt er ope for alle.
– Ofte vert slike samlingar og campar på gutane sine premissar. Difor nokre eigne jentesaker, seier Åse og Kristina.
Fjellsportfestivalen set høgre krav til kvalitet og tryggleik.Difor er det berre internasjonalt godkjende tindevegleiarar som skal føra på toppturane våre og halda kurs i isklatring, skredkurs og skredredning med førstehjelp. Sogndal og Sogn er i ei særstilling når det gjeld tilgang på kunnskap innan bre- og fjellføring. Det er ingen stad i landet tettleiken av internasjonalt godkjende tindevegleiarar er større enn her. Det er kun desse som får lov til å føra på toppturane våre og halda isklatrekurs, skredkurs osv.
Fjellsportfestivalen har eit rikt program for kunnskapstørste med seminar kvar dag der fjellsport er hovudtema. I samarbeid med sogndalsstundentane og Veka '08 kan vi også by på konsertar med store artistnamn.
Mer informasjon ved å klikke på linken til høyre.