– Å bygge hopp i backcountryen er ikkje noko me gjer kvar dag. Fokuset er og blir trening i park. Me har som tradisjon å reise opp til Samastad ein gong i løpet av vinteren, kor glede og fornøyelse er like stor som talet rotasjonar, seier hovudtrener Gøran Høyvik Ulltang.
Den vanvitige filmen frå treningsøkta ser du lenger ned. Staden er Samastad i Vinje kommune, kor stølsdrifta sørgjer for opent og godt terreng for backcountrykøyring.
– Kor lang tid bruker de på førebuingar til ei slik økt?
– I løpet av vinteren gjennomfører me opp til fleire annerledes treningsøkter. Dette trur me er med på å bevare verdiane og gleda med idrettane. Som ein del av tradisjonen og jobben, så er det me som trenarar som legg til rette for god og progressiv trening. Heldigvis er me glade i fjellet begge to, og kombinerer difor bygging med eigen rekreasjon. Tre dagar i helga gikk med til bygging av kickerane, seier Ulltangs kollega og kjendis frå nyaste utgåve av Fri Flyt, Svein Olav Lien.
– Hvordan er ein vanleg skuledag om vinteren for elevane?
– Skule fram til lunsj, og så trening i parken frem til middag. Etter middag, lekser og andre gjeremål, før kveldstreninga. Då enten som barmarksøkt inne, eigentrening eller i backyarden vår. Minst ein gong i veka reiser me på kveldstrening i flomlyset på Vierli. Det er med andre ord innhaldsrike dagar som utøvar på HSG, seier Lien.
Sjå filmen frå det som må vere verdas kulaste gymtime:
