Northern Playground stakk i dag av med Merket for god design for Zipwear-serien deira. Den prestisjefylte prisen blir delt ut av Design og arkitektur Norge og er ei anerkjenning til norske verksemder og utøvarar som utmerkjer seg gjennom framragande bruk av design og/eller arkitektur, som ein kan lesa frå DOGA sine nettsider.
– Kul løysing på eit problem du ikkje veit at du har, før det oppstår, seier juryen i DOGA i si uttaling.
Zipwear har merkt seg ut med klede som ein kan opne med glidelås og ta av eller på innanfor andre klede. Dette gjer at det er enkelt å regulere kor mykje mykje klede ein vil ha på seg utan at ein treng strippe seg heilt ned når ein er ute på tur.
Jo Egil Tobiassen i Northern Playground fortel korleis deira mest populære produkt vart til:
– Eg gjekk med ein ordinær BH eit heilt år for å finne ut korleis me kan lage ein ny og betre BH. Ettersom eg sleit den ut, klypte me og sydde om heilt til me stod att med vår Zipbra. Med den kan ein skifte av seg ein våt BH utan å syne alle bringa si.
No lanserar Northern Playground også produkta sine i USA gjennom Backcountry.com.
– Amerikanarane syns ha lettare for å ta til seg ny produkt enn europearane, så det ser veldig bra ut.
