Andorra er eit land som ikkje større enn Røldal, men det bur nesten 100 000 her. I Røldal bur det 500, og eg trur eg kjenner alle saman.
Det er to store skisenter i Andorra, Vallnord der Dennis køyrde Freeride World Tour i går, og Grandvalira, der me er no. Her i Grandvalira er det 67 heiser og 210 km løyper.
Grandvalira satser på freeride med junior-vm og skiers cup, så eg er spent på å sjå korleis frikøyringsområda ser ut. Eg fann nokre fine bilete på nett, blir kjekt å sjå det sjølv i morgon!
Om du kan fly til Barcelona tek det om lag 3 timar til Andorra. På flyplassen i Stavanger kosta ein rekebaguett 100 kroner, på restauranten her kosta forrett, 1,4 kg (!) biff og dessert 350 kroner, så eg trur nok Andorra er eit billig ferieland. I matbutikken er det veldig kult, med masse lokal og heimelaga mat med mykje smaksprøver.
I morgon skal eg fortelja meir om skisenteret og om Jacob Øvernes!
Store porsjonar kjøt, Andorra er ikkje for vegetarianarar! Synnøve Medhus og eg er klare for mat!
